گورنر پنجاب نال ڈپٹی چیئرمین نیب، ڈی جی نیب لاہور دی ملاقات

لاہور۔17ستمبر(اے پی پی)گورنر پنجاب سردار سلیم حیدر خان نال ڈپٹی چیئرمین نیب سہیل ناصر اتے ڈی جی نیب لاہور امجد مجید اولکھ گورنر آفس لاہور اچ ملین۔ انہاں گورنر کوں احتساب سہولت سیل (اے ایف سی) تے بریفنگ ݙتی۔ گورنر پنجاب سردار سلیم حیدر نیب اچ اصلاحات دی تعریف کریندے آکھیے جو ملک اچ ترقی کیتے کرپشن مکاوݨ اتے قانون دی عملداری ضروری اے۔ ڈپٹی چیئرمین نیب صوبائی اسمبلی پنجاب اچ مجوزہ اے ایف سی دے طریقہ کار، احتساب سیل دے نکات، شکایات اتے سکروٹنی نظام دا ݙسایا جو احتساب سیل ابتدائی سماعت توں بعد ارکان اسمبلی بارے شکایات بذریعہ سپیکر نیب کوں ولا ٻھڄویسی، اراکین اسمبلی دے خلاف گمنام اتے جعلی ناواں تے درخواستاں تے کارروائی نا کیتی ویسی۔ گورنر نیب کوں گورنر آفس ولوں ضروری تعاون دا یقین ݙیوائے۔ چھیکڑ تے ڈپٹی چیئرمین نیب سہیل ناصر گورنر پنجاب کوں احتساب سہولت سیل دا مسودہ ݙتے اتے شیلڈ پیش کیتی۔

مضمون کا ماخذ : لاٹری کی پیشگوئی

متعلقہ مضامین