سلامتی کونسل اتے یواین اے او سی دی پشاور حملے دی مذمت، متاثرین دے لواحقین اتے حکومت پاکستان نال ہمدردی

اقوام متحدہ۔31جنوری (اے پی پی) اقوام متحدہ دی سلامتی کونسل پشاور مسیت اچ دہشت گرداں دے خودکش حملے دی سخت ترین لفظیں اچ مذمت کریندیں ہوئیں ایں گھناؤنے اتے بزدلانہ جرم دے ذمہ واراں کوں انصاف دے کٹہرے اچ کھڑا کرݨ تے زور ݙتا۔ 15 رکنی سلامتی کونسل دےجنوری کیتے صدر جاپان دے سفیر اشی کانے کیمی ہیرو ولوں جاری بیان اچ سانحہ متاثرین دے لواحقین اتے حکومت پاکستان نال دلی ہمدردی کیتی ڳی اتے زخمیاں دی جلدی صحت یابی کیتے نیک خواہشات دا اظہار کیتا ڳیا۔ بیان اچ آکھیا ڳیا جو ایں سانحے دے ذمہ واراں، ایں کیتے مالی تعاون اتے سرپرستی کرݨ آلیاں کوں انصاف دے کٹہرے اچ کھڑایا وںجے۔ بیان اچ سارے ملکاں توں اپیل کیتی ڳی جو او بین الاقوامی قانون اتے سلامتی کونسل دی قرارداداں دے مطابق اپݨی ذمہ واریاں ادا کریندیں ہوئیں ایں معاملے اچ پاکستان دی حکومت اتے متعلقہ حکام دی مدد تے تعاون کرن۔ دریں اثنا ہائی ریپریزنٹیٹو فار یونائیٹڈ نیشنز الائنس آف سویلائزیشز ( یواین اے او سی) میگوئل اینجل موراٹینوس پشاور حملے دی مذمت کریندیں ہوئیں آکھیا جو تشدد دی سارے صورتاں، شہریاں اتے مذہبی جہیں دے خلاف دہشت گردی ناقابل قبول اتے بلاجواز اے اتے ایندی متفقہ طور مذمت کرݨی چاہیدی اے۔

مضمون کا ماخذ : عظیم البینی

متعلقہ مضامین