آندے چووی گھنٹے پنجاب دے میدانی علاقیں اچ کوہیڑ پووݨ دا امکان اے ،محکمہ موسمیات

اسلام آباد۔18جنوری (اے پی پی):محکمہ موسمیات آکھیے جو آندے چووی گھنٹے اچ پنجاب دے میدانی علاقیں اچ کوہیڑ پووݨ دا امکان اے ۔ کشمیر، گلگت بلتستان، اتلے خیبرپختونخوا اتے شمالی بلوچستان اچ موسم ودھ ٹھڈا تے ملک دے بئے علاقیں اچ موسم ٹھڈا تے رکھا رہݨ دا امکان اے ۔گزریل چووی گھنٹے اچ ملک دے ودھ سارے علاقیں اچ موسم ٹھڈا تے رکھا جݙاں جو شمالی بلو چستان اتے اتلے علاقیں اچ ودھ ٹھڈا رہیا جݙاں جو پنجاب دے میدانی علاقیں اچ کوہیڑ پئی ۔ سنوار کوں ریکارڈ کیتے ڳئے گھٹ توں گھٹ درجہ حرارت دی رپورٹ دے مطابق اسکردو اچ درجہ حرارت منفی14، گوپس، استور، لہہ منفی 12، اننت ناگ منفی 8، بگروٹ منفی 7، گلگت، ہنزہ، سری نگر منفی 6، پاراچنار، شوپیاں اتے زیارت اچ منفی 5 ڈگری سینٹی گریڈ ریکارڈ کیتا ڳئے۔

مضمون کا ماخذ : نتیجہ بہت زیادہ

متعلقہ مضامین