پنجاب دی ترقی دا جیڑھا پندھ اساں شروع کیتا ہئیں اونکوں پچھلی حکومت ڄاݨ ٻجھ تے روکیا، پنجاب دی عوام توں مسلم لیگ ن دی حمایت دا انتقام ڳھدے، وزیر اعظم محمد شہباز شریف

لاہور/اسلام آباد۔16اپریل (اے پی پی) وزیر اعظم محمد شہباز شریف آکھیا جو پنجاب دی ترقی دا جیڑھا پندھ اساں شروع کیتا ہئیں اونکوں پچھلی حکومت ڄاݨ ٻجھ تے روکیا، پنجاب دی عوام توں مسلم لیگ ن دی حمایت دا انتقام ڳھدے۔ آݙت وار کوں لاہور اچ مختلف ترقیاتی منصوبیاں دے دورے دے موقع تے وزیراعظم آکھیا جو گزریل حکومت دے چار سال پنجاب کوں ہک نا اہل اتے کٹھ پتلی وزیراعلیٰ دے حوالے کیتا ڳیا۔ پنجاب دی ترقی تے توجہ ݙیوݨ دی بجائے وزارتِ اعلی دے منصب کوں وفاق اچ سیاسی جوڑ توڑ کیتے استعمال کیتا ویندا رہیے۔ وزیر اعظم آفس میڈیا ونگ ولوں جاری اعلامیہ موجب وزیراعظم سارے جاری منصوبیاں کوں جلدی توں جلدی پورا کیتا ونجے۔ وزیرِ اعظم محمد شہباز شریف دی صدارت لاہور اچ جاری عوامی سہولتاں دے ترقیاتی کماں اتے مجوزہ منصوبیاں بارے اعلیٰ سطحی اجلاس تھیا۔ اجلاس اچ مشیرِ وزیر اعظم احد خان چیمہ، نگران وزیر اعلی پنجاب سید محسن نقوی اتے وفاقی و صوبائی افسران شریک تھیے۔ اجلاس کوں امامیہ کالونی فلائی اوور دے منصوبے بارے تفصیلی بریفنگ ݙتی ڳی۔

مضمون کا ماخذ : جنگل کے راز

متعلقہ مضامین