وزیر خارجہ مخدوم شاہ محمود قریشی دا ملائیشین ہم منصب سیف الدین عبداللہ نال ٹیلیفونک رابطہ مقبوضہ جموں و کشمیر اچ جاری انسانی حقوق دی سنگین خلاف ورزیاں بارے ڈسایا

اسلام آباد ۔ 6 ستمبر (اے پی پی) وزیر خارجہ مخدوم شاہ محمود قریشی دا ملائیشین ہم منصب سیف الدین عبداللہ نال ٹیلیفونک رابطہ کیتا اتےمقبوضہ جموں و کشمیر اچ جاری انسانی حقوق دی سنگین خلاف ورزیاں بارے ڈسایا ۔ ڈوہائیں وزراءخارجہ خطے اچ امن سانگے رابطے ودھاونڑ اتے سانجھی کوششاں جاری رکھنڑ تے اتفاق کیتا۔ گالھ مہاڑ دوران وزیر خارجہ مخدوم شاہ محمود قریشی آکھیا جو بھارت دے یکطرفہ اقدامات دی وجہ نال پورے خطہ دے امن کوں خطرہ ہے۔ او آئی سی توں گھن تے یورپی پارلیمان تئیں پوری دنیا مقبوضہ جموں و کشمیر اچ جاری انسانی حقوق دی سنگین خلاف ورزیاں تے احتجاج کریندے پی ہے۔ مخدوم شاہ محمود قریشی آکھیا جو بین الاقوامی میڈیا اتے انسانی حقوق دی تنظیماں ولوں طرف سے سامنڑے آونڑ آلیاں رپورٹس ہک نویں انسانی المیہ تھیونڑ دی نشاندہی کریندیاں پن ۔ شاہ محمود قریشی آکھیا جومقبوضہ جموں و کشمیر دے لکھاں نہتے مسلمان بھارتی ظلم توں نجات کیتے عالمی برادری خاص کر مسلم دنیا ول ڈیکھدے پن۔ ملائیشیا دے وزیر خارجہ انسانی حقوق دی خلاف ورزیاں تے تشویش دا اظہار کریندے ہوئیں اپنڑے تعاون دا یقین ڈیوایا۔ ملائیشیا دے وزیر خارجہ کشمیریاں دے حقوق دے تحفظ سانگے اپنڑے ملک ولوں حمایت دے عزم کوں دہرایا۔

مضمون کا ماخذ : سپرمین: فلم

متعلقہ مضامین