اسلام آباد۔17جنوری(اے پی پی) سپیکر قومی اسمبلی راجہ پرویز اشرف آکھیے سی پیک منصوبہ نہ صرف پاکستان بلکہ پوری دنیا دی توجہ دا مرکز اے ۔ اے منصوبہ پاکستان دی ترقی تے خوشحالی دا ضامن اے ۔ سی پیک منصوبہ نہ صرف پاکستان بلکہ خطے دے ٻئے ملکاں دی پائیدار ترقی دے عالمی اہداف ایس ڈی جیز دے حصول اچ معاون ثابت تھیسی ۔او چائینیز سی پیک ایسوسی ایشن دے زیر اہتمام ایس ڈی جیز ترقیاتی اہداف تے 2022 رپورٹ دے اجراء تے منعقدہ تقریب توں خطاب کریندے پئے ہن ۔ ایں موقع تے سپیکر آکھیے چین پاکستان اقتصادی راہداری ھک اہم سٹریٹجک منصوبہ اے،آل پاکستان چائنیز انٹرپرائزز ایسوسی ایشن سسٹین ایبل ڈیویلپمنٹ رپورٹ 2022 دے اجراء دے موقع تے تقریب اچ شرکت میں کیتے باعث مسرت اے ۔ انہاں آکھیے رپورٹ اچ پائیدار ترقی دے اہداف دے نفاذ اچ سی پیک دے تعاون دا احاطہ کیتا ڳئے ۔پاکستان دی قومی اسمبلی دی طرفوں ، تقریب دے شرکا تے چین اتے پاکستان دی طرفوں سی پیک منصوبے کوں عملی جامہ پواوݨ کیتے کم کرݨ آلیں دا شکریہ ادا کرینداں ۔ سی پیک منصوبہ خطے دی ترقی تے خوشحالی دا ضامن اے۔سی پیک ون بیلٹ اینڈ ون روڈ منصوبہ دا پائلٹ پروجیکٹ اے۔چین۔پاکستان اقتصادی راہداری منصوبہ دی تکمیل توں خطے اچ ترقی تے ر خوشحالی دا نواں دور شروع تھیسی ۔سی پیک منصوبہ سارے شعبیں اچ نویں جدت گھن آسی ۔ون بیلٹ اینڈ ون روڈ منصوبہ خطے دی ترقی ودھاوݨ اچ اہم پیش خیمہ ثابت تھیسی ۔
