پاکستان دے آئین اچ مذہبی آزادی تے بنیادی انسانی حقوق دی ضمانت ݙتی ڳئی اے ،سپیکر قومی اسمبلی دا کانفرنس توں خطاب

اسلام آباد۔1جون (اے پی پی):سپیکر قومی اسمبلی راجہ پرویز اشرف آکھیے جو پاکستان دے آئین اچ مذہبی آزادی تے بنیادی انسانی حقوق دی ضمانت ݙتی ڳئی اے ، شخصی آزادی ہر انسان دا بنیادی حق اے،جے بنیادی انسانی حقوق اتے آزادیاں سلب کر ڳھدیاں ونڄں تاں عوام بے چین تھی ویندن جیں توں ماحول گھٹن زدہ تھی ویندے ، قومی ترقی تے غیر ملکی سرمایہ کاری وی متاثر تھیندی اے، اے ڳالھ انہاں اسلامک یونیورسٹی دے زیر اہتمام اسلامی تنوع اتے جامعیت دے موضوع تے منعقدہ کانفرنس توں خطاب کریندے ہوئیں آکھی اے ۔ سپیکر آکھیے جو پاکستان ٻہوں محبت کرݨ آلے لوکاں دا ملک اے ، ٻاہرلے ملک توں جیڑھا وی پاکستان آندے او پاکستان دی ثقافت، کلچر اتے مہمان نوازی توں متاثر تھئے بغیر نی رہ سڳدا ،پاکستانی قوم ملنسار اتے خوش اخلاق اے، پاکستان اچ مختلف مذاہب اتے نظریات توں تعلق رکھݨ آلے لوک وسدن ۔ سپیکر آکھیے پاکستان اچ سارے مذہب دے منݨ آلے سانجھے احترام اتے ہم آہنگی دے نال رل مل تے پر امن انداز اچ رہندے پئن ،ایندی ھک زندہ مثال حالی وی موجود اے ۔

مضمون کا ماخذ : غالب افریقہ

متعلقہ مضامین