اسلام آباد۔3دسمبر (اے پی پی):وفاقی حکومت دے زیراہتمام ملک دے تعلیمی اداریں دے نینگراں دے سپورٹس ٹیلنٹ ??وں سامݨے گھن آوݨ کیتے ملک گیر ”کامیاب جوان ٹیلنٹ ہنٹ یوتھ سپورٹس ڈرائیو” دا آغاز 6 دسمبر توں تھیسی جݙاں جو ایں سپورٹس ڈرائیو دے تحت پورے ملک اچ ھک ارب 93 کروڑ 74 لکھ روپے دی لاگت نال 12 سپورٹس اکیڈمیاں قائم کیتیاں ویسن ، 89 کروڑ 79 لکھ روپے توں ودھ مالیت دے کامیاب جوان ٹیلنٹ ہنٹ یوتھ سپورٹس ڈرائیو دے تحت ݙو سال اچ نینگراں دے 12 جݙاں جو ٻالڑیاں دے 10 ایونٹ منعقد تھیسن، ایں پروگرام دا باقاعدہ افتتاح 6 دسمبر کوں جناح سپورٹس کمپلیکس اچ وزیراعظم عمران خان کریسن ۔ جمعہ کوں وفاقی وزیر بین الصوبائی رابطہ ڈاکٹر فہمیدہ مرزا اتے کامیاب جوان پروگرام دے سربراہ عثمان ڈار پریس انفارمیشن ڈیپارٹمنٹ اچ پریس کانفرنس اتے ایں پروگرام دے حوالے نال مفاہمت دی یادداشت تے دستخط وی کیتن۔ ایں موقع تے وفاقی وزیر ڈاکٹر فہمیدہ مرزا آکھیے جو اساݙیاں یونیورسٹیاں اچ نینگراں کوں سپورٹس دے موقع دستیاب نی تھیندے جݙاں جو مختلف فیڈریشناں اتے تنظیماں کھیݙاں کوں یرغمال بݨایا ہویا اے ، ا??اں کھیݙاں اچ آپݨا ونڄا ہویا مقام بحال کرݨ کیتے ایں ٹیلنٹ ہنٹ یوتھ سپورٹس ڈرائیو دا آغاز کیتے تاں جو نینگراں کوں کھیݙ دے ودھ توں ودھ موقع مل سڳن ، ا????ں آپݨے میداناں کوں آباد کرݨا اے ، ھک صحت مند پاکستان اتے قومی پرچم کوں عالمی سطح تے اچا کرݨ کیتے اے پروگرام کلیدی کردار ادا کریسی ، ایں وچ 100 توں ودھ جامعات دے طالب علم حصہ گھنسن انہ??ں آکھیے جو قوم کیتے اے خوشخبری اے جو فٹ بال دی عالمی تنظیم فیفا پاکستان فٹ بال فیڈریشن دے شفاف الیکشن کیتے حکومت دے نال رل تے کم کرݨ دی حامی بھری اے ۔ کامیاب جوان پروگرام دے سربراہ عثمان ڈار آکھیے جو پاکستان دے نینگراں کیتے اے خوشخبری اے جو 6 دسمبر کوں وزیراعظم عمران خان کامیاب جوان ٹیلنٹ ہنٹ یوتھ سپورٹس ڈرائیو دا آغاز کرݨ ویندے پئن ۔
