لاہور سمیت ملک دے کجھ جاہیں تے گرج چمک نال بارش دا امکان

لاہور۔14 مئی(اے پی پی )محکمہ موسمیات آندے 24گھنٹیاں اچ صوبائی دارالحکومت لہور سمیت راولپنڈی، سرگودھا، گوجرانوالہ، اسلام آباد اتے فیصل آباد ڈویژن اچ کجھ جاہیں تے تیز ہوائیں اتے گرج چمک نال بارش دی پیش گوئی کرڈتی ہے ۔ جڈانجو ملک دے بئے علاقیاں ا چ موسم گرم اتے رُکھا راہسی ۔ محکمہ موسمیات دے مطابق گزریل 24 گھنٹیاں اچ ملک دے بہوں سارے علاقیاں اچ موسم گرم اتے رُکھا ریہا جڈانجو کشمیر، گلگت بلتستان، مالاکنڈ، پشاور، ہزارہ، کوہاٹ، راولپنڈی،گوجرانوالہ ڈویڑن ،فاٹا اتے اسلام آباد اچ کجھ جاہیں تے تیزہوائیں اتے گرج چمک نال بارش تھئی ۔ ساریاں توں ودھ بار ش خیبر پختونخواہ کوہاٹ27، چراٹ 18، پاراچنار13،لوئر دیر، سیدو شریف03 ، پنجاب مری18،چکوال16 ، منگلہ 02 ، کشمیر گڑھی دوپٹہ11،مظفر آباد 04 ، راولاکوٹ، کوٹلی02، گلگت بلتستان ،بگروٹ03 ، بونجی ، گوپس01 ملی میٹر ریکارڈ کیتی گئی۔ساریاں توں ودھ گرمی سبی اچ پئی جتھاں درجہ حرارت 48 ڈگری سینٹی گریڈ ریہا۔ ایں طرح دادو، سکھر، جیکب آباد، ڈی جی خان اچ 47، موہنجوداڑو، کوٹ ادو، شہید بینظیر آباد، رحیم یار خان، پڈعیدن 46 ڈگری سینٹی گریڈ ریکارڈ کیتا گیا۔

مضمون کا ماخذ : sorteios quina

متعلقہ مضامین