نیویارک۔26ستمبر (اے پی پی) وزیراعظم محمد شہباز شریف اتے عالمی بینک دے صدر اجے پال سنگھ بنگا وژن 2025 اتے اقوام متحدہ دے پائیدار ترقی دے اہداف دے مطابق پاکستان دے ترقیاتی اہداف ڳھنݨ دا عزم کیتا۔ خمیس کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال اقوام متحدہ دی جنرل اسمبلی اجلاس دے موقع تے ورلڈ بینک دے صدر اجے پال سنگھ بنگا ملاقات کیتی۔ ایں موقع تے وزیر خزانہ سینیٹر محمد اورنگزیب وی ملاقات اچ موجود ہن۔ ملاقات اچ وزیراعظم عالمی بینک ولوں حکومت پاکستان نال اقتصادی اصلاحات، غریبی گھٹاوݨ اتے بنیادی ڈھانچے دی ترقی سودھے پاکستان دے معاشی چیلنجز نال نبڑݨ کیتے تعاون دی تعریف کیتی۔ وزیراعظم عالمی بینک دے صدر کوں حکومت دے پالیسی، انتظامی اتے تنظیمی اصلاحات بارے چاتے ڳئے اقدامات دا ݙسیا۔ انہاں ݙسیا جو حکومت توانائی، مالیات اتے محصولات دے شعبیاں اچ اصلاحات نافذ کیتن۔ انہاں آکھیا جو حکومت پاکستان معاشی اصلاحات پورے کرݨ کیتے عالمی بینک ولوں تعاون دا خیر مقدم کریسی۔ انہاں آبی نظام، توانائی اتے انسانی ترقی سودھے پاکستان دے ترقیاتی منصوبیاں کیتے جدید مالیاتی حل ڳولݨ تے زور ݙتا۔ وزیراعظم اتے عالمی بینک دے صدر وژن 2025 اتے اقوام متحدہ دے پائیدار ترقی دے اہداف دے مطابق پاکستان دے ترقیاتی اہداف ڳھنݨ دا عزم کیتا۔
.jpg)
.jpg)
.jpg)
