وزیراعظم دی اڳواݨی اچ ملکی معاشی ترقی، سرمایہ کاری اقدامات بارے جائزہ اجلاس، دوست ملکاں توں سرمایہ کاری منصوبیاں تے عملدرآمد تیکھا کرݨ دی ہدایت

Prime Minister Muhammad Shehbaz Sharif chairs a review meeting regarding economic growth and Investment. Islamabad on August 28, 2024.

اسلام آباد۔28اگست(اے پی پی)وزیراعظم محمد شہباز شریف دوست لکاں دے مجوزہ سرمایہ کاری منصوبیاں تے عملدرآمد تیکھا کرݨ دی ہدایت کریندے آکھیے جو دوست ملکاں ولوں انفارمیشن ٹیکنالوجی، زراعت، معدنیات و قیمتی پتھراں اتے توانائی دے شعبے اچ سرمایہ کاری نال ملکی برآمدات ودھسن اتے نینگراں کیتے روزگار دے وی مواقع نکلسن۔ اے ڳالھ انہاں اسلام آباد اچ ملکی معاشی ترقی، سرمایہ کاری اقدامات بارے جائزہ اجلاس دی اڳواݨی کریندے آکھی۔ وزیراعظم بین الاقوامی ریٹنگ ایجنسی موڈیز دے پاکستان دی کریڈٹ ریٹنگ اپ گریڈ کرݨ تے اطمینان کریندے آکھیے جو اللہ دے فضل نال ملکی معاشی ٹیم دا پوھریا رنگ لیندا پئے، پچھلے دور حکومت اچ ملک کیتے اپݨی سیاست قربان کیتی ہئی، ملکی معیشت کوں ݙیوالا تھیوݨ توں بچائے، معیشت تکڑی تھیوݨ توں بعد سدھی راہ تے اے، حکومت دی قومی مفادات کوں سیاسی مصلحتاں تے اڳونہی ݙیوݨ دی پالیسی دے چنڳے نتیجے نکلدے پن، موڈیز دا پاکستان کوں سی اے اے ٹو ریٹنگ ݙیوݨ حکومتی معاشی پالیسیاں دے درست ہووݨ دا بین الاقوامی اعتراف اے، امید اے معیشت ایں رفتار نال ٹردی رہسی، این وݙی اڳونہی تے وزیر خزانہ اتے انہاں دیاں ٹیم دیاں کوششاں قابل تعریف ہین، دوست ممالک دا ملک دے مختلف شعبیاں اچ ارباں روپے دی سرمایہ کاری اچ دلچسپی ݙکھاوݨ حکومت دی کاروبار و سرمایہ کاری دوست پالیسیاں دا نتیجہ اے۔ وزیراعظم آکھیے جو دوست ممالک توں سرمایہ کاری منصوبیاں تے کوئی سستی قبول نا کیتی ویسی، سارے وزراء اتے متعلقہ ادارے مجوزہ منصوبیاں تے اڳونہی سانڳے اقدامات کرن، دوست ملکاں ولوں انفارمیشن ٹیکنالوجی، زراعت، معدنیات و قیمتی پتھراں اتے توانائی دے شعبے اچ سرمایہ کاری نال ملکی برآمدات ودھسن اتے نینگراں کیتے روزگار دے وی مواقع نکلسن۔ اجلاس اچ عالمی ریٹنگ ادارے موڈیز ولوں پاکستان دی ریٹنگ اچ بہتری، مختلف شعبیاں اچ دوست ممالک توں سرمایہ کاری معاہداں تے پیش رفت اتے جاری منصوبیاں دا ݙسایا ڳیا ڄݙاں جو سی پیک دے ݙوڄھے مرحلے دے تحت منصوبیاں تے اڳونہی تے وی بریفنگ ݙتی ڳئی۔ وزیر اعظم منصوبیاں اچ شفافیت دے نال نال ایندے نفاذ کوں یقینی ٻݨاوݨ دی ہدایت کیتی۔ اجلاس اچ نائب وزیراعظم و وزیر خارجہ محمد اسحاق ڈار، وفاقی وزراء جام کمال خان، احد خان چیمہ، احسن اقبال، محمد اورنگزیب، عطاء اللہ تارڑ، سردار اویس خان لغاری، ڈاکٹر مصدق ملک، عبدالعلیم خان، وزراء مملکت علی پرویز ملک، شزہ فاطمہ خواجہ، ڈپٹی چیئرمین پلاننگ کمیشن جہانزیب خان، وزیراعظم دے کوآرڈینیٹر رانا احسان افضل اتے متعلقہ اعلی حکام شرکت کیتی۔

مضمون کا ماخذ : میگا ملینز لاٹری

متعلقہ مضامین