وزیراعظم شاہد خاقان عباسی دا امام کعبہ الشیخ ڈاکٹر صالح بن محمد بن طالب نال ملاقات

اسلام آباد ۔ 12 مارچ (اے پی پی) وزیراعظم شاہد خاقان عباسی آکھیے جو پاکستان سعودی عرب نال اپنڑے تعلقات کوں بہوں اہمیت ڈیندے ،امام کعبہ دے دورہ پاکستان نال ڈوہیں ملکاں دے عوام وچال نیڑے تے برادرانہ تعلقات مزید پکے تھی ویسن ۔انہاں اے گال سنوارکوں اتھاں وزیراعظم آفس اچ امام کعبہ الشیخ ڈاکٹر صالح بن محمد بن طالب نال گال بات کریندے ہوئیں آکھی ۔وزیراعظم ،وزیراعظم آفس آمد تے امام کعبہ دا استقبال کیتا۔ ایں موقع تے پاکستان اچ سعودی عرب دے سفیر نواب سعید المالکی تے بئے سعودی حکام وی انہاں دے نال ہن تے ملاقات اچ وفاقی وزیر مواصلات حافظ عبدالکریم، وفاقی وزیر مذہبی امور سردار محمد یوسف، سینیٹر پروفیسر ساجد میر اتے بئے اعلیٰ حکام وی موجود ہن۔ وزیراعظم امام کعبہ دے دورہ پاکستان دا خیرمقدم کریندے ہوئیں آکھیے جو پاکستان دے عوام انہاں دا ودھ سارا احترام کریندن تے انہاں دے دورے کوں اعزاز سمجھدن ۔ امام کعبہ پرتپاک خیرمقدم کرنڑ تے وزیراعظم اتے پاکستان دی حکومت دا شکریہ اداکیتا تے آکھیا پوری امت مسلمہ پاکستان کوں اپنڑی طاقت سمجھدی اے ۔ امت مسلمہ کو ںدرپیش چیلنجاں تے موجودہ صورتحال دے حوالے نال امام کعبہ خطے اچ امن دے ودھارے سانگے پاکستان دیاں کوششاں دی تعریف کیتی ۔

مضمون کا ماخذ : لاٹری کے اعدادوشمار

متعلقہ مضامین